Көн йылы, матур. Балалар дауалау физкультураһы инструкторы Гүзәл Радис ҡыҙы менән скандинав йөрөшө менән шөғөлләнәләр. Скандинав йөрөшө нимә бирә? Матдәләр алмашыныуын, йөрәк, үпкә эшмәкәрлеген яҡшырта. Тән мускулдарының 90 проценты тирәһен эшләтә, калорияларҙы ябай атлауға ҡарағанда ике тапҡырға күберәк кәметә. Шулай уҡ нервы ауырыуҙары, депрессия, терәү-хәрәкәт аппараты проблемалары һәм физик сикләүҙәр булғандарға тәҡдим ителә.